تابع عودة نعنوش من سوهاج بالعاميه

رجع نعنوش من سوهاج هلكان وقبل ما ياخد نفسه ..مرته دخلت فيه شمال...روح غيرنا الأمبوبه...الأمبوبه خلصت...(هو طبعا عامل بره دكر على الناس لكن مع مراته بلاش نتكلم أحسن)....

نعنوش: حاضر انجيبلك حاجه تانيه وانى جاى(ايه الادب ده يا نعنوش)

مرت نعنوش: ابقى هات معاك جلبه من عند ثابت...

نعنوش: حاضر...مش عايزه لانشون ولا حاجه

مرت نعنوش: لا هو اللى يشوف امك ياكل لانشون...

نعنوش عمل نفسه مسمعشى فك الأمبوبه...وشالها على كتفه ومشى...

واحد من الناس: ايه الانابيب جت فى المستودع يا نعنوش...

نعنوش: يا عم ما تغور تشوفها انت...ولا على كتفك نقش الحنه...

واحد من الناس: الووو سمير انبوبه معاى

سمير انبوبه: ايوه مين اللى ايتكلم...

واحد من الناس: مش مهم تعرف انى مين...بس جايلك واحد دقيتى فى السكه اسمى نعنوش شايل انبوبه..ايشتم عليك وايقول انك طويل واهبل

سمير انبوبه: مين ده ابن(تييييييييييييييت)..انا راح(تييييييييييييت) ميتين أهله.. طب لما يجى ابن ستين(تيييت)

واحد من الناس: انى حبيت نعمل خير بس ...السلام عليكم...

صبى المستودع: متتهدى نفسك يا عم سمير مال وشك قلب زى قلب البطيخه كده..

سمير انبوبه: اسكت ..انت التانى هى ناقصاك انت كماان....دنت صح طويل واهبل..

صبى المستودع: انى قصير يا عم سمير....ايه اللى حصل....

سمير انبوبه: اسكت...ولا انقولك ... ركب البرميل ده فوق السطح....وخليك فوق ولما تسمعنى انككوح...ابقى ادلق البرميل لتحت....من غير كلام....

........نعنوش وصل المستودع اخيرا وهو اينهت.....

نعنوش إه_ إه_إه سععامو..عل إكم.....

سمير انبوبه: اهلان انت جيت...

نعنوش: اتحرجنى بخدماتك وكمان مستنينى...اصيل يا سماره...

سمير انبوبه: اصيل طاب كويس انى مش طويل ولا اهبل...عايز ايه..

نعنوش: هاتلى نص كيلو لحم وحط عليه شوية دهن(بلاش عضم منعا للأحراج)...عايز انغير الأنبوبه يا عم..وادى الكارت..

سمير انبوبه: الكارت ده مضروب..انى وزعت كروت احمر واخضر واصفر...ما وزعتش بامبى مسخسخ...وبعدين الانابيب خلصت..خلاص بح....

نعنوش: لا انقولك ايه..انى عارف الانابيب اتروح فين...واللى ما سلمتنيش انبوبه دقيتى...هنطلع على الأدارة بتاعتكم عدل...

نعنوش: يعنى كده طاب ثانيه نعمل تلفون...

سميرانبوبه: متعمل ..حتى ان شاالله تكلم مرسي نفسه ..احنا حدش ايهمنا فى الدوله...احنا الدولة...

نعنوش: الوووو وزارة التموين...

استقبال وزارة التموين: ايوه يا فندم..

نعنوش: انى نعنوش...كنت عايز الوزير فى حاجه

استقبال وزارة التموين: الوزير فى تفتيش سرى فى سوهاج فى عرابة ابو دهب...

نعنوش:..هههههه جالك الموت يا سارق الأنبوبه...

سمير انبوبة: خلصت تلفونك مع رأيس الجمهورية

نعنوش: لا كنت انكلم الوزير الريس مش فاضى وراه ثوره...

سمير انبوبه: طب تعالى هنا كده عشان نصورك كده انجرب الكاميره بتاعت الموبايل

نعنوش: كاميره بموبايل؟؟؟؟طيب ادينى...ايه ده بص كده ايه العربيات دى الى جايه

سمير انبوبه: فى سره يخرب بيت وشك..دنت نحس من يومك ده تفتيش...ده الواد فوق..ولو نزل بالبرميل هناخد غرامه ده فيه حاجات وسخه اصلى ...كنت ناوى انكبها على المدعوك ده.نعنوش......

سمير بصوت عالى...اهلا جناب الوزير .. اتفضل اقعد...

الوزير لا انا مش جاى اتضايف يبنى..افتح المخزن...

سمير انبوبه: معلهش يا باشا اصلى صبى المستودع غايب عامل عملية البواسير...وانى واخد برد انعطس وانككح ( أوح___أوححححححححح)

صبى المستودع من فوق: المعلم كح يبقى ادلق انا... هيلا هووووووووب..

نشرة اخبار الجزيره: وفى مشاجرة اليوم تم اختناق وزير التموين المصرى بغازات سامه بعد اختطافه على يد امين مخزن انابيب وعامل المخزن...بقرية بصعيد مصر...