Translate

الأربعاء، 26 يونيو 2013

قصة نعنوش بعد الانبوبه نعنوش على قهوة خالد ابو النجا


قصة نعنوش بعد الانبوبه نعنوش على قهوة خالد ابو النجا 
نعنوش على قهوة خالد ابو النجا...

رجع نعنوش وهو شايل الأمبوبه فاضية.. على عنقه ومكشر ولاوى بوزه...وخايف من مرته..لحسن(بلاش احسن)..حود على قهوة خالد ابو النجا يتهوى شوية
نعنوش: سامو عليكم
الناس : سامبراكاتو
وليد: تشرب ايه يا نعنوش
نعنوش: متصبر يا فقر...ناخد نفسي...ايه مشبعتش لم فلوس
وليد: عندنا خمس اصناف ساقع جديده


نعنوش:وانى عندى خمسه فمخى...حل عن ميتين اهلى ماشاربشى حاجه...
واحد من الناس: ازقيه حاجه على حسابى يا وليد
نعنوش: تشكر يا أصيل البلد لسه بخير يا رجاله
واحد من الناس: هاتله ميه ساقعه يا وليد هههههههه
نعنوش:اخص اتفو...يكشى كانت قعدت عليك وهى اتولدك
واحد من الناس: لا انى اتولدت على ايد انضف دايه
نعنوش: ايوه عارفها...مش هى اللى انتحرت لما شافت وشك..
واحد من الناس:لم نفسك يا نعنوش..بدل منخلى وشك شوارع
نعنوش:على اساس انك عبدو موته يعنى ولا تاكتشان...دنت لو وقفت تقعد تانى تتهوى..
واحد تانى من الناس: متهدو ا جماعه خلينا نركز
نعنوش: يعنى اتخترع الذرة يخى...شغال تلعب زى العيال الصغيره.....روح شوفلك امبوبه املاها...
واحد تانى من الناس: لا احنا انطبخوا بالكهربا...مش زيييكم...
نعنوش: هه ههء يرحم ايام مكانت امك تطبخ بالجله....ومتلاقيش وقيد...
والله لسايبلكم القهوة.....ومن غير سامو...

وليد: راح فين يا نعنوش الحساب.....
نعنوش: تجيش نشخرلك يا وليد احسن...مش الراجل دفعلك تمن الميه الساقعه.....

وليد: لا منتاش واخد بالك يا نعنوش...انت شامم لغايت دقيتى برملين هوا....

ليست هناك تعليقات:

إرسال تعليق

Related Posts Plugin for WordPress, Blogger...