العصابة اللى خطفت نعنوش كانت زارعه سماعات تحت الدكة اللى قاعد عليها ابوه فى مؤتمر البلد....الريس بتاعها بيكلم صبيانه.....
الريس: شوفتو ابو الفقر....قلتلكم ده جلده...
نعنوش من جوه برميل الطرشى: متشتمش على ابويه يا شيخ المنصر
الريس:ده كان يوم نحس اللى خطفناك فيه...هو غضنفر اللى شار علينا الشوره السوده دى
نعنوش: مين غضنفر ده؟
الريس: اللى كنت عايز تسخطه عنزه وتحطه فى حوش مليان جديااان
نعنوش: يبن النصابه...ايوة افتكرت لما رحتله سوق الأربع عزم عليا بسجاره خدت نفس وفتحت لقيت وشك افتكرتك عزرائيل...
الريس:وبعدين انت ناسي انك تحت رحمتنا ولا حد هيعرفك هانه...انت فاكر نفسك فى التحرير صح.....
نعنوش: امال ايه اللى سمعته وانت اتكلم ناسى فى التلفون
الريس:انى أسعد ملموم امين توريدات الجامعيه...
نعنوش: اخخخخ وعملى نفسك غلبان يبتاع نها
الريس: هههه انت سمعت التسجيل ايه رأيك...كنت جامد ...انت هتصاحبنى يا روح امك...اغطس فى البرميل
نعنوش: حاضر....حاضر...
الريس: خد يا جعفر كتفه وارميه فى الجبل....خلى دياب الجبل تاكله...واتريح البلد من شره...
جعفر: طب لو حد من اولاد فاروق شافنه واحنا انرموه...دول واخدين الجبل لحسابهم...
الريس: ههههه لالالا....دول اصحابى من ساعة التسجيل.....شهرونى ولاد الأيه...
(صبيان أسعد ملموم...كتفوا نعنوش...وراحوا يرموه فى فى الجبل )
نعنوش: بس ارمونى هانه....عشان محصور...
الصبيان: انت جاى فى رحله..دحنا مودينك هدية للديابه
نعنوش: طايب يا صبيان الأخص...هتشوفو نعنوش هيعمل فيكم ايه..وانت يبتاع توريدات الجامعيه...اللى ما بلغت عليك الضرايب..اتعمل خمس مشاريع كل ساعه....يفشلو منهم سبعه..واتين للساعه اللى جاية....
الصبيان: ارموه هانه وخلاص رايحونه من لسانه الزفر
(رموه فعلا....ومن حسن حظ نعنوش انهم معرفوش ان الحته دى جنبيها طريق مودى على غيط الحاج شحاته عماره على طول........يا ترى ايه اللى هيحصل...فى الحلقه اللى جاية ان شاء الله)
ليست هناك تعليقات:
إرسال تعليق