الحكايه مبقتش حكايه اخوان ولا خرفان اصحى يا شعب وفوق قبل ما تصحى من الغيبوبه

الحكايه مبقتش حكايه اخوان ولا خرفان 

اصحى يا شعب وفوق قبل ما تصحى من الغيبوبه على عوده مبارك بنظامه السابق 

الموضوع مبقاش اخوان ولا مرسى ولا خرفان الموضوع موضوع شعب مصرى بيتضحك عليه وبينضرب على قفاه علشان يرجع ذليل وعبيد 

انقلاب اعلامى وانقلاب عسكرى وبيسموه ثوره -- هى فعلا ثــوره بــــس ثـــوره مضـــاده 

ارجع كده معايا زمان مش كتير هما سنتين ايام ثوره 25 يناير فاكر فاكر وللا خلاص كرهك للاخوان نساك

اول ثوره بجد خرج فيها الشعب ثائر ضد الظلم والطغيان وضحى كتير منا بروحه ودمه علشان الثوره تقوم فاكر فاكر وللا خلاص كرهك للاخوان نساك

كان وقتها بيقولا علينا متظاهرين ومخربين والاعلام كان فى الاول بيظهرنا فى صوره مشاغبين وكان بيطبل لبابا حسنى واسفين يا بابا حسنى ولو كان ده ابوك كنت رضيت له كده اسفين اسفين يا ريس 

فاكر فاكر وللا خلاص كرهك للاخوان نساك

وكله ساعتها كان بيضرب فى الثوار اللى بيقولوا عليهم شويه عيال كانت كتله واحده للقضاء على الثوره والحفاظ على النظام ( شرطه وجيش واعلام وبلطجيه الفلول وامن دوله كما ) كله كان ضد الطوفان -- ايوه الجيش هتقلى ازاى اقولك فاكر اول عربيه جيش نزلت الميدان كانوا اتنين فى التحرير عند ميدان عبدالمنعم رياض كان مكتوب عليهم ايه كان مكتوب عليه الحرس الجمهورى يعنى تابعه للريس ونازله بامر منه ومعرفتش تواجه الطوفان - وكمان فاكر يوم الجمل مين دخلهم الميدان - واوعى تكون نسيت محمد محمود والبنت اللى اتسحلت فيه بايد العسكر - والعباسيه وغيره وغيره 

فاكر فاكر وللا خلاص كرهك للاخوان نساك

كله قلك الموجه عاليه ولازم نطاطى للموجه لحد ما تعدى 

اتنحى الريس علشان يهدى الموجه واتفق مع العسكر على تامينه وفوض المجلس العسكرى بالمخالفه للقانون اللى المفروض كان يحكم رئيس مجلس الشعب او رئيس المحكمه الدستوريه 

وكل ده ليه علشان يامن خروج الحاشيه بمحاكمتهم محاكمه مدنيه لا عسكريه ولا ثوريه والبراءه مضمونه فى الاخر بس لما الموجه تعدى 

مسك الحكم الاخوان وعرفوا ازاى يكرهوا الشعب فيهم وهما هما نفس الحاشيه الاعلام والشرطه والجيش وبلطجيه الفلول وعرفوا ازاى يصتنعوا الازمه بنزين وسولار وكهرباء والامن والبركه فى كل الشله اللى كفيئهم بعد الثوره ( المضاده ) 

ضحكوا على الشعب الغلبان اللى يهموا العيشه الهاديه وبلع الطوعم الشعب الطيب وخلى الكل يقوم بالثوره لصالح نظام مبارك ويسقط يسقط حكم المرشد ولا لاخونه الدوله شعارات كدابه ضحكوا بيها على الشعب الطيب لو كان فيه اخونه للدوله مكنش الانقلاب حصل 

فاكر لما قالوا شالوا طنطاوى وجابوا السيسى علشان هو اخوان اهو فعلا طلع اخوان فاكر لما قالوا ان وزير الداخليه اخوان اهو فعلا طلع اخوان 

اصحى يا شعب وفوق قبل ما تصحى من الغيبوبه على عوده مبارك بنظامه السابق

فاكر لما جابولنا شفيق وملقيناش اختيار الا مرسى علشان نبعد عن شفيق - اهوا احنا اليوم رجعنا شفيق 

زرعوا الكره فى قلوبنا للاخوان علشان ننسى كره مبارك علشان يرجع تانى نظام الذل والعبوديه 

مهما كانت عيوب الاخوان مش كل اللى فى رابعه اخوان - قولى ازاى العسكر يضرب مصرى زى اخويا واخوك 

يرضى مين قتل المصليين فى صلاه العصر فى العريش وصلاه الفجر فى الحرس الجمهورى وقتل النساء فى المنصوره وقتل المتظاهرين السلميين العزل امام قسم مدينه نصر قبل صلاه الفجر 

وكل ده والاعلام الفاجر ساكت وعامل ودن من طين وودن من عجين 

انا مش عايز مرسى يرجع يحكم تانى علشان هو السبب فى كل اللى احنا فيه كان من الاول لازم شده لان الشعب فشل فى ممارسه الديموقراطيه بس برده عايز الثوره تكمل وما يرجعش حكم العسكر علشان نحس ان البلد بلدنا مش لشويه حراميه 

اصحى يا شعب وفوق متخليش كرهك للاخوان يعميك ومتديش ودنك للاعلام العار وانزل بنفسك وشوف بعنيك ومتخليش كرهك للاخوان يعميك