كلام لبتوع السيسى الجدع يرد على الكلام ده يا ريت بتوع سيسى يرحموا عقولنا

لكن بتوع سيسى لما تكلمهم بالعقل يظهر غباءهم ..بيقولك قتلوا بعض علشان يستعطفوا الناس ..و فى نفس الوقت حرقوا الكنايس و الاقسام و قتلوا الجنود فى سينا علشان يفقدوا التعاطف ده

 ..بيقولك القيادات هربت و فى نفس الوقت اللى فيه اولاد قيادات الإخوان اتقتلت و اتصابت يعنى هما سابو ولادهم يموتوا ..

و بيقولك الإخوان ارهابيين و فى نفس الوقت أمريكا بتدعمهم و هى اللى بتحارب الإرهاب ..

بيقولك معاهم سلاح و فى نفس قعدوا ينضربوا من الساعة 7 الصبح لغاية 9 بالليل ..بيقولك الاخوان دول عايزين يقسموا البلد و فى نفس الوقت عايزين يحكموا بالعافية طيب حيقسموا البلد و يفضل ليهم ايه يحكموه ..

بيقولك اسرائيل حبيبتهم و قى نفس الوقت دول بيتخابروا مع حماس اللى بتضرب صواريخ على اسرائيل اللى عايزه ترمى غزة فى البحر ..

بيقولك باعوا البلد فى نفس الوقت الوقت اللى الإمارات بتشكر فى التلفزيون الرسمى بتاعها الحكومة المصرية اللى سهلت لها صفقة اراضى حول قناة السويس .

.و بيقولك مرسى بيشحت و فى نفس الوقت شكر للإمارات اللى عامله اعلان تبرعوا لإخوانكم فى مصر و الكويت بتقول دى صدقة ..

بيقولك مرسى مش سياسى و الإخوان ما يعرفوش فى السياسة ..و فى نفس الوقت ولا حزب عرف يغلب الإخوان فى الانتخابات و لا فى اى حاجة سياسية بل بالعكس حرقوا لهم مقرات الأحزاب ..

و الرئيس مرسى ضعيف سياسيا ً و هو اللى قعد سنة فى الحكم من غير و لا مؤسسة معاه و حكومته قعدت وسط المظاهرات و مولوتوف سنة كاملة شغالة و دلوقتى ببلاوى بيصرخ من شهر مظاهرات سلمية ..بيقولك مرسى مش بيعرف سياسة و فى نفس الوقت محدش عرف ياخد منه حق و لا باطل بالأصول و ما عرفوش يغلبوه غير بالخيانة و برفع السلاح ...

بيقولك 30 يونيو ثورة شعب 6 ساعات و فى نفس الوقت شالوا الشرطة على الاكتاف بيهتفوا فى التحرير و يوزعوا مية ساقعه على الشعب اللى قتلوه فى 25يناير ..

ثورة جيش و شرطة و قضاء و اعلام و مؤسسات دينيه على النظام طيب بقى ايه فى النظام لما هما دول كلهم النظام .. 

يا ريت بتوع سيسى يرحموا عقولنا