موقف حصل تحت بيتى من ساعة بالظبط...
كان فيه خناقة بين اتنين صيع
و الاهالى واقفين يتفرجوا مش اكتر
المهم جه بوكس فيه ظابط مباحث و 4 بتوع جيش ماسكين رشاشات و خلصوا الليلة
لقيناهم بقى دخلوا على كل المحلات اللى تحت بيتى و قفلوها بالعافية رغم ان دا شارع جانبى يعنى مش حيوى ولا مؤثر و كل يوم فاتحين عادى لحد الفجر
المهم من ضمن المحلات تحت بيتنا سوبر ماركت كبير ( فاتح 24 ساعة كل يوم )
عندو حوالى 6 تلاجات برا المحل
فظابط المباحث قال لصاحب السوبر ماركت: "دخلهم جوا و اقفل"
فصاحب السوبر ماركت قاله: "يا فندم انا هحاول ادخل كل الحاجات و اقفل بس هسيب التلاجات برا لان ملهومش مكان عندى جوا"
راح ظابط المباحث بعلو صوته:
"انت هترد عليا يا روح امك !!!"
"اعمل اللى بقولك عليه يا ابن و ابن و ابن و ابن و ابن و ابن"
من اقذر الالفاظ اللى ممكن تتخيلها .. اقسم بالله لولا الناس كان زمان صاحب المحل مسك الظابط و مطلعه من تحت ايده اشلاء.
و بعد ما مشوا الناس فضلت تشتم فى الحكومة و فى الجيش شتايم ألعن من اللى قالها الظابط.
و الغريب ان واحد من اصحاب المحلات اللى قفلت و هو معروف بشدة كرهه لمرسى و جماعة الاخوان المسلمين قال فى تصريح خاص للشارع كله:
" ولا يوم من ايامك يا مرسى"
منقول
*نطاسى*
ليست هناك تعليقات:
إرسال تعليق